سلااااااااااااام يا حلوين
اليوم عاملتلكن أكلة ألمانية كتيييير طيبة وسهلة كمان ... رح تاكلوا أصابيعكن وراها خخخخخ
بدي أبدأ فوراً
المقادير لـ 4 أشخاص:
4 بيض
نصف ملعقة شاي ملح
1 ملعقة أكل سكر (بودرة أو عادي)
1 ملعقة شاي بيكن بودر
350 مل حليب
300 جرام طحين
زبت قلي
بعد ما جهزتوا المقادير بتجيبوا صحن كبير و غميق وبتضيفوا البيض والملح والسكر والبيكن بودر والحليب و بتحركوهم لحتى يصير هيك شكلهم
وبعدين آخر شي بتضيفوا الطحين
خلصت الوصفة تقريبا ...
هلأ بتجيبوا مقلاية صغيرة وبتحطوا فيها شوية زيت زيتون واستنوا ليسخن الزيت , والحرارة لازم تكون عالية
بعد ما سخن الزيت بتحطوا شوي من العجين بنص المقلاية
وبتمسكوا المقلاية وبتحركوها ع شكل دائرة لحتى يصير العجين بكل المقلاية
ما تنسوا ان الحرارة عالية مشان هيك العجينة ما رح طول أكتر من 20 ثانية او 30 ثانية وبعدها بتقلبوها وإذا طلعت شكلها هيك
معناها خلاص بس بقي الطرف التاني ينقلى أما إذا ما صار لونها تقريبا بني اتركوها لسه شوي ع نفس الطرف
خلصوا كل الخلطة بنفس الطريقة
مبروووووووووووك يا جماعة خلصت الأكلة ...
هل الفطيرة ممكن تاكلها حلو و ممكن تاكلها كأكلة ..
مثلا ممكن تحشيها صدر دجاج مع شوية خضار أو شو ما بيخطر ع بالكن ... بس أهم شي قبل ما تحشوها لازم الجيج او الخضار يكونوا مطبوخين
مثلا انا اليوم حشيتن بـ نقانق و خضار
وهون طويتها
بعدين حطيتن بـ صينية و حطيت فوقن لسه شوية جبنة
درجة الحرارة متوسطة و المدة 20-30 دقيقة
و متل ما قلتلكن ممكن تحطوا على الفطيرة مربى أو نوتيلا(كريم شوكولا) أو شوووووو ما يخطر ع بالكن
أو كلوها هيك حاف بدون شي كمان طيبة خخخخخخخخ
سلااااااااااااام
مــــلتقى الطبخ
موضوع: أكلة ألمانية طيبة وسهلة 
